ಸೋಂಬೇರಿ ಮನಸಿಗೆ
ಸಾಂಬಾರು ಮಾಡುವ ಕನಸು.
ಸಾಮಾನು ತರಬೇಕು
ಎಂಬುದೊಂದೇ ಮುನಿಸು .
ಹುಳಿ, ಉಪ್ಪು ಹಿಡಿ ಬೆಲ್ಲ
ಕರಿಬೇವು, ಕೊತ್ತಂಬರಿಯೂ ಇಲ್ಲ.
ಈರುಳ್ಳಿ ಬೆಳ್ಳುಳ್ಳಿ ಬೇಕೆಂದೆ ಇಲ್ಲ,
ಗ್ಯಾಸ್ ಅಂಗಡಿ ಫೋನ್ ನಂಬರ್
ಸೇವ್ ಮಾಡ್ಕೊಂಡೆ ಇಲ್ಲ.
ಇರುವುದಿಷ್ಟೇ ನೋಡಿ.
ಒಂದು ತಾಟು, ಅರ್ದ ಟೊಮೇಟೊ
ನಾಲ್ಕು ಮೆಣಸಿನ ಕಾಯಿ,ಬೊಗಸೆ ಎಣ್ಣೆ
ಸ್ಟೌವ್ ತಳದಲ್ಲೊಂಚುರು ಸೀಮೆ ಎಣ್ಣೆ.
ಹುಡುಕಿದರೆ ಸಿಗ ಬಹುದು ಶುಂಟಿ.
ತಂದಿದ್ದು ನೆನಪಿದೆ ಮೊನ್ನೆ.
ಮನಸಿನ ಮಹರಾಜ,
ರಜೆ ಮಾಡು ಅಂತಾನೆ
ಸಾಂಬಾರು ಮಾಡೋರು
ಹೆಣ್ಣ್ ಮಕ್ಳು ಅಂತಾನೆ
ಹೊಸದೊಂದು ಹೋಟೆಲ್ಲು
ರೆಡಿ ಆಯಿತು ನೋಡು
ಚೈನೀಸ್ಸು , ಕೋಳಿ ಪೀಸು
ಹೊಗ್ ತಿನ್ನು ಅಂತಾನೆ.
ಮೂಡೊಂದು ಮೂಡಿತ್ತು ಹಾಳಾಗಿ ಹೋಗ್ಬಿಡ್ತು.
ಒಳ್ಳೆ ಟೈಮಲ್ಲಿ ಮತ್ತೆ ಕೈ ಕೊಟ್ಬಿಡ್ತು.
ಆದ್ರೂ..,ಸೋಂಬೇರಿ ಮನಸಿಗೆ
ಸಾಂಬಾರು ಮಾಡುವ ಕನಸು.
ದಿಲೀಪ್ ಶೆಟ್ಟಿ.
(ಚಿತ್ರ ಕೃಪೆ : ಅಂತರ್ಜಾಲ)