ಗೊತ್ತಿದೆಯಾ??
ಸೋಮವಾರ ಸಂತೆಯಲಿ
ಸೊಮಣ್ಣನ ಮಗಳು
ಸೊಂಟ ಮುರಿದುಕೊಂಡಿದ್ದು
ಗೊತ್ತಿದೆಯಾ??
ಮೊನ್ನೆ ಮಂಗಳವಾರ
ಮಲ್ಲಿಗೆ ಹೂವ ಕೊಯ್ಯುತಿದ್ದ
ನಮ್ಮೂರ ಗೌಡತಿಗೆ
ನಾಗರಹಾವು ಕಚ್ಚಿದ್ದು
ಗೊತ್ತಿದೆಯಾ??
ನಿನ್ನೆ ಆಡುತ್ತಿದ್ದ
ನಿಮ್ಮನೆ ಹುಡುಗಂಗೆ
ನಂದೀಶ ಹೊಡೆದದ್ದು
ಗೊತ್ತಿದೆಯಾ??
ಗೊತ್ತಾಗದು ನಮಗೆ ಗುರಿಯಿರದ ಪಯಣದಿ
ಗೊತ್ತಾಗದೇ ನಿಮಗೆ ಗೆದ್ದಲು ಹಿಡಿದೆ ಜೀವನ??
ಹಿಂದೂ ದೇಶದ ಜನರು
ಬಂಧು-ಬಾಂಧವರಂತೆ
ಬೆಂದು ಹೊಯಿತು ಭಾವೈಕ್ಯತೆ,
ಬರದಿ ಓಡುವ ಜಗಕೆ.
ಬದುಕಬಲ್ಲೆವು ನಾವು ಪರರ ಹಂಗಿಲ್ಲದೆ,
ಬದುಕಬಲ್ಲೆವೇ ನಾವು ಪರರಿಲ್ಲದೆ???
-ದಿಲೀಪ್ ಶೆಟ್ಟಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ