ಸಂಜೆ ಜಾರಿದೆ,ಸಂತೆ ಕರಗಿದೆ ರವಿಯ ನೇಸರ ಕಳೆಗುಂದಿದೆ ,
ಹಕ್ಕಿ ಗೂಡೆಡೆ ಗುರಿಯ ತಿರುಗಿರೆ,
ಬೆಕ್ಕು ಒಲೆಯನು ಗುಡಿಸಿ ಕೂತಿರೆ
ಬರುವ ದಾರಿಗೆ, ತರುವ ನಗುವಿಗೆ
ಬಾಗಿಲ ಬುಡದಲಿ ಬಿಡದೆ ಕಾದಿಹೆ,
ಎಂದು ಬರುವೆಯೋ ಎನ್ನ ಇನಿಯನೆ
ಅಪ್ಪಿ ತೋಳಲಿ ಬಿಡಿಸು ವೇದನೆ.
ಮಕ್ಕಳಾಡುವ ಪರಿಯ ನೋಡಿರಿ ,
ಅಪ್ಪಿ ಅವರನು ಎತ್ತಿ ಆಡಿರಿ.
ಮತ್ತೆ ಅತ್ತರೆ ಬೆನ್ನ ಮೇಲೇರಿಸಿ
ಆನೆ-ಅಂಬಾರಿ ಮಾಡಿರಿ.
ಕಾಯುತಿರುವೆವು ನಿಮ್ಮ ದಾರಿಗೆ,
ಎಂದು ಬರುವೆಯೋ ಎನ್ನ ಇನಿಯನೆ
ಅಪ್ಪಿ ತೋಳಲಿ ಬಿಡಿಸು ವೇದನೆ.
ಕೊರಗೊ ಮನಸಿಗೆ, ಸೊರಗೊ ಕನಸಿಗೆ
ಪ್ರೀತಿ ಓಕುಳಿಯ ಹೊತ್ತು ತಾ..
ಮತ್ತೆ ಹೋಗದೆ, ಒಂಟಿ ಮಾಡದೆ
ಇದ್ದು ಬಿಡು ಮನೆ-ಮನ ಮಂದಿರದಲಿ.
ನಿನ್ನ ನೋಡದೆ ತಿಂಗಳಾಗಿದೆ,
ತಿನ್ನೋ ಅನ್ನವೂ ತಂಗಳಾಗಿದೆ.
ಬಾಗಿಲ ಬುಡದಲಿ ಬಿಡದೆ ಕಾದಿಹೆ
ಎಂದು ಬರುವೆಯೋ ಎನ್ನ ಇನಿಯನೆ
ಅಪ್ಪಿ ತೋಳಲಿ ಬಿಡಿಸು ವೇದನೆ.
-ದಿಲೀಪ್ ಶೆಟ್ಟಿ.
(ಚಿತ್ರ ಕೃಪೆ: ಅಂತರ್ಜಾಲ)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ